കുഞ്ഞിളം‌മേനിയിലാദ്യമായി
പേരൊന്നെനിയ്ക്കു പതിച്ചുകിട്ടീ
കിട്ടിയതെന്തുമുടനുടനെ
പേരിന്നുചുറ്റുമുരുട്ടിവെച്ചു.
കാണുന്നതെന്തുമാപ്പേരിലാക്കി
നന്നായ്പ്പതിയ്ക്കാന്‍ പഠിച്ചു ഞാനും.
കണ്ടതും കേട്ടതും സ്വന്തമാക്കി
തണ്ടും തടിയും വളര്‍ത്തിവന്നൂ.
നാലാളുകാണാ, നുയര്‍ന്നിരിയ്ക്കാന്‍,
കോലമാലോലമലങ്കരിയ്ക്കാന്‍,
മീതേയ്ക്കുമീതേയെടുത്തണിഞ്ഞോ-
രാടയ്ക്കു കയ്യും കണക്കുമില്ല...
മിന്നിത്തിളങ്ങുമെന്നാടനോക്കി-
യമ്പരന്നേവരും പുഞ്ചിരിച്ചൂ
ഞാനും മയങ്ങിയാപ്പുഞ്ചിരിയില്‍
“അമ്പട! ഞാനേ! ഞെളിഞ്ഞുനിന്നൂ...
ചുറ്റിയും ചുറ്റിയുമെന്റെചുറ്റും
ആടകളൊട്ടിപ്പിണഞ്ഞുപോയീ
ആവില്ലഴിയ്ക്കാ, നഴുക്കുപറ്റി-
ച്ചേര്‍ന്നവിഴുപ്പായളിഞ്ഞുനില്‍ക്കേ
വേര്‍ത്തതും വീര്‍പ്പൊട്ടു മുട്ടിയതു-
മാടകള്‍ക്കല്ലെനിയ്ക്കായിരുന്നൂ.
വേണ,മടര്‍ത്തണമീയഹന്ത-
ക്കട്ടിപ്പുതപ്പിനി വേണ്ടെനിയ്ക്ക്!
Subscribe to:
Post Comments (Atom)
16 comments:
കൂട്ടുകാരേ,
കവിയരങ്ങിലേയ്ക്ക് ഞാനും ഒരു കവിത(?)അയക്കുന്നു- “പുതപ്പിനുള്ളിലെ ഞാന്‍”.
ബൂലോകം പുതപ്പ്‌ മാറ്റാന്‍ കുറച്ചു സമയമെടുക്കും. അര്‍ഥവത്തായ കവിത നന്ദി
ബാല സാഹിത്യം വായിയ്ക്കുന്നതുപോലുള്ള കുളിര്‍മ.........ഇഷ്ടപ്പെട്ടു വീണ്ടും പ്രതീക്ഷിയ്ക്കുന്നു.
ലളിതം...
ലളിതമായ വരികള്.
“ലമ്പട! ഞാനേ! ഞെളിഞ്ഞുനിന്നൂ...
ഞാനും.:)
ജ്യോതി ടീച്ചറേ,
കവിയരങ്ങിലേക്ക് സ്വാഗതം:)
വളരെ ലളിതമായ വരികളിലൂടെ ആഴമേറിയ ചിന്ത വേണ്ടിവരുന്ന ഒരു വിഷയം കൊച്ചുകുട്ടികള്‍ക്കു പോലും മനസ്സിലാകുന്ന വിധത്തില്‍ അവതരിപ്പിച്ചിരിക്കുന്നു.
നന്നായിട്ടുണ്ട്.
തുടര്‍ന്നും നല്ല കവിതകള്‍ പ്രതീക്ഷിക്കുന്നു.
അര്‍ത്ഥവത്തായ വരികള്...നല്ലൊരു കവിത..അഭിനന്ദനങ്ങള്‍!!
ജ്യോതി ടീച്ചര് ,
കവിത കാണാന്‍ വൈകി.
ചിന്തിപ്പിക്കുന്ന ലളിതമായ വരികള് .
കൂട്ടുകാരേ,
ചിലര്‍ക്കൊക്കെ ഈ കവിത ഇഷ്ടമായി എന്നതില്‍ സന്തോഷം തോന്നുന്നു. എനിയ്ക്കും പിന്നേം പിന്നേം ചൊല്ലിനോക്കുമ്പോള്‍ ഇതിനോട്‌ ഇഷ്ടം തോന്നുന്നു.
ഉറക്കെച്ചൊല്ലിനോക്കിയപ്പോള്‍ കിട്ടിയ( കല്ലുകള്‍) :-) എടുത്തുമാറ്റി, ചെറിയൊരുമിനുക്കല്‍ നടത്തി.
രണ്ടിലും കൂടുതല്‍ അര്‍ഥമുണ്ടാവാമെന്ന്‌ ഞാന്‍ കരുതിയില്ല.
“അമ്പട ഞാനേ!” ഞെളിഞ്ഞുനിന്നൂ..
എന്നാണുകേട്ടോ. ലമ്പട..അല്ല:-) വേണുജി.
അര്‍ഥവത്തായ കവിത
puthappinullil thanneyanalle ?
നമസ്കാരം,
ഞാന്‍ ബ്ലോഗ് ലോകത്തിലെ ഒരു പുതിയ യാത്രികന്‍........
ഞാനെഴുതിയ ഒരു മലയാളഗാനം ഇവിടെ നല്‍കുന്നു, ആരെങ്കിലും ഈണം നല്കി പാടും എന്നു വിശ്വസിക്കുന്നു.....
സ്നേഹത്തോടെ
ബൈജു
================
പ്രണയസന്ദേശം നീര്‍ത്തിവായിക്കവേ
കവിളുകളാകെത്തുടുത്തോ-നിന്‍റ്റെ
കവിളുകളാകെത്തുടുത്തോ?
കളമൊഴീ നീ കണ്ട കനവുകളൊക്കയും
കതിരായി മാറുന്നുവെന്നോ- നല്ല
കതിരായി മാറുന്നുവെന്നോ?
കണികണ്ടുണരുവാന്‍....................
കണികണ്ടുണരുവാന്‍ ആരും കൊതിച്ചു പോം
മിഴിയിണ ലജ്ജാവിലോലമായി.......
മാമഴവില്ലല്ലാ....പൂമഴവരുമി-നിന്‍
മാനസവനികയില്‍ പൂക്കളാടും........
നീ നിവര്‍ത്തീടുമീ പ്രേമസന്ദേശത്തില്‍
വാക്കുകള്‍ പൂക്കളായ് മാറിയെന്നോ -സ്നേഹ
ദിവ്യസുഗ്ന്ധം പരത്തിയെന്നൊ? (പ്രണയസന്ദേശം)
ആതിര തന്‍ മലര്‍ ചൂടുമീവേളയില്‍
ഭൂമിയേതോ നിശാസ്വപ്നമാര്‍ന്നൂ
കാമുക ഹൃദയത്തിന്‍................
കാമുക ഹൃദയത്തിന്‍ സ്പന്ദങ്ങളറിയവേ
കാമുകീ നീ കുളുര്‍ച്ചാര്‍ത്തണിഞ്ഞൂ
കാതരേ...നീ കുളുര്‍ച്ചാര്‍ത്തണിഞ്ഞൂ (പ്രണയസന്ദേശം)
"ഞാനും മയങ്ങിയാപ്പുഞ്ചിരിയില്‍
“അമ്പട! ഞാനേ! ഞെളിഞ്ഞുനിന്നൂ..."
:)
"ഏവരുമണിയുന്നൊരാപ്പുതപ്പിന്‍
ഗീതകം ഈണത്തില്‍ വായിക്കവേ
സത്യം, മുഖപടമൊക്കെ മാറ്റി
ഓരീരടിയായ് വന്നുദിച്ച പോലേ...................."
ശ്രീ, ബൈജു, നന്ദി.
അഹന്തക്കട്ടിപ്പുതപ്പഴിഞ്ഞു വീണു..
കൊള്ളാം ജ്യൊതിര്‍ മയീ
Post a Comment